| Clavis 的个人资料True Conviction照片日志列表 |  工具  帮助 |
|
7月24日 病話說係完全唔知咩事既情況之下大病左一場... 話說上星期五本來都只係覺得有D累...於是早D訓 星期六起身...開頭以為之係天氣熱...但坐坐下覺得真係好熱去開左凍氣 但係開左冷氣都係係好熱先驚覺原來自己發緊燒... 本來以為開始感冒去訓多D就會好快好啦 跟住就訓呀訓...訓到星期日都仲未退燒... 期間去沖涼...開左比平時熱既水...但竟然覺得淋落黎D水係凍既..... 跟住又係訓訓訓訓....訓到星期一就天光都仲未退燒不過自覺個額頭已經冇之前咁熱... 當然發緊燒就請左病假...而見燒到第3日未退燒...於是就走左去流感CLINIC度睇 去到一量體溫...原來有39.7度...我本來對呢個數字都冇咩反應...但原來都叫燒得幾高...不過探果陣一定未係燒得最高果d...果次沖涼果陣分分鐘係過左40....諗返都幾驚.... 跟住醫生問完D病徵之後就叫我唔好返工...開左2日假叫我抖下... 都唔知幾多年冇試過醫生主動開2日假比我...原來我真係病得幾嚴重喎 由於太高燒...醫生就叫我take埋sample去做H1N1測試... 如是者又過左一日去到星期二...終於都開始退燒...而clinic又冇打黎...即係個test唔係positive啦... SL左2日...星期三終於返工...積左幾日既野...都要清好一陣子...而家自己又未真係完全好哂...所以都做到有d溫溫燉燉...而呢排咁o岩又多野做...所以幾日都好累...再加上係公司帶左口罩...本來都冇咳冇鼻水....但都比個口罩焗到出鼻水同暈暈地咁...其中一樣最辛苦既都睇怕係呢樣 今日終於捱埋星期五有得抖下...所以要好好咁大覺訓下...呢個weekend要真正咁好返先得...不過今次突如其來既病...搞到好幾個活動都join唔到...真係有d可惜 7月12日 雜記成日都係weekend先黎打風落雨... 今日陽光普照偏偏又有野要做...唉
============================================== 終於買左Wii Sport Resort 終好玩~ 一齊玩時勁搞笑 XD 尤其係隻劍道(?) game, 滑水都好好玩...獨木舟就玩到勁累... 之前懷疑過芒亨出係Wii d畫面既質素係唔係真係做到果個質素 不過一玩隻Wii sport resort...根本就係之前d game突登冇用盡Wii 既機能!!!
============================================== Dear Jane - XOXO 偶然見到人地post別說話既mv出黎...聽落覺得幾好聽 跟住搵黎聽...之後就成隻碟愛上左 不過我係鐘意呢隻碟d曲風...佢之幾年前出過隻果d歌就唔多係我杯茶
Dear Jane - 別說話
Dear Jane - 戰狼三國
另外仲有首沒有這天使我好鐘意 可惜唔係plug既歌 由於隻碟係冇附帶歌詞既...所以就算係網上搵都搵唔到歌詞...想睇清楚d d字都冇辦法
============================================== 如果我是陳奕迅 Alan @ Mr既玩野之作 佢之前成日比人話唱歌似E神 (雖然覺得我唔係好覺...只係聽過同有耳非文既最後最後今天覺得有d似) 所以就幽自己一默整左首咁既歌 仲真係用足似E神果個唱腔黎唱 又真係似都咩咁...真係搞笑 聽聞有傳E神聽到之後以為係自己唱架tim 哈哈 不過玩野還玩野...千其唔好越玩越似
Mr - 如果我是陳奕迅
============================================== 陰天假期
Janice都舊舊地既歌...係改篇自由 伊藤由奈唱既NANA插曲Endless Story 呢排咁o岩聽真d...發現Janice真係好勁...佢將某林填得唔係好夠力又放得好奇怪既詞handle得好好...之前就咁係街聽到真係唔覺原來d詞係填得咁唔完整既
衛蘭 - 陰天假期
伊藤由奈 - Endless Story
============================================== 原來唔經唔覺原來已經7月中...... 6月28日 落雨之前3號時一滴雨都冇...落左波之後就日日落唔停... 搞到成個weekend都hea左係屋企...orz 不過多得呢幾日係咁落雨...終於睇返幾隻買左好耐都未睇既碟 仲玩左d又係玩左好耐都未玩完既game 哈... 關淑怡出左新碟...唔知點解呢隻碟d歌既感覺好王菲 (咁o岩呢排王菲又出左隻精選) 不過最得意既係...成隻碟最令我想聽既...反而係之前已經係十二金釵已經聽過既三千年前...果陣聽覺得唔錯但冇成日聽...但而家反而無啦啦成日都想聽...唔知咩事 另外周國賢都出左精選...呢排好多碟出...睇開既漫畫都好多出左新一期...哈哈 不過真係要掉咁d書或者拎d去賣...真係冇位放了...orz 執房成日都話執房...但成日執親都只係將d野分類...分分下冇咩心機 今次諗緊好唔好清哂d A-CLUB佢 雖然呢d可以算係香港史歷遺產 5月18日 炭燒咖啡雪條偶然之下食左杯咖啡味雪糕 一入口...突然回想起細過時食過一種炭燒咖啡雪條 其實呢十幾年應該完全冇諗起果呢種雪條...唔知而家仲有冇得賣呢??
回憶起味道...同時亦回憶起從前... 過去既快樂點搵都唔會搵得返...所以應該係將來令自己開心快樂一D 日子...開心又係咁過...唔開心又係咁過...點解唔努力去開心D呢~ 5月6日 雪梵老師@Old Biscuit好灰好灰好灰好灰好灰好灰好灰好灰.... 返到去無聊同d同事講...佢地既回應係 嗚...人地邊度係曬命呢...d人都冇同情心既...poor me 4月28日 DNA五月天創造演唱會2009尋尋先突然聽到五月天5月20-22再黎香港開concert 不過而家好只係得返尾場400同680蚊飛 所以都應該冇人會肯陪我去睇...結論就後今年又睇唔到...T_T 當謊言變成真實好耐冇寫過d有關於ACG既野... 但今期(34期)既eye shield 21真係好好睇!!! 真係唔讚下唔得...我已經重睇左4次喇 哈哈哈 瀨那跑過大和同最後三人組踢球仲有跟住神社呢幾幕都令我好感動 真係好好睇...不過果然漫畫係要成本單行本咁睇先好睇 淨係每星期睇十幾頁...投入得黎果回已經完左 記得睇對神龍寺同帝黑既上半場睇連載都係覺得唔好睇... 但單行本出左再睇返又幾ok喎~ 不過eye shield21呢套漫畫真係好得...出到34期喇 都真係唔覺得佢dum同爛尾... 唔似d當紅既Jump漫畫必死既定律 最好既係作者依然好有熱誠同心思...當然越畫越靚tim啦~ 其實佢出新既畫集 Day5@Taipei2009最後一日基本上冇行程...係pack gip日 check out左之後就去左搵野食...見到八方雲集就走左入去試下 又真係幾好食喎...尤其有個日式既抄手好好食~ 食完就出發去機場...去到check左就過返Terminal 1 搵要等機位既人...見3點幾d機冇位上...就去左burger king hea...hea到5點幾...就入閘走lu 今次回程係坐大機...雖然係長榮...但都唔錯喎~ d位幾舒服~ 又有獨立電視仔同有歌聽~ 今次搵有窗口位~ 雲海真係幾靚 8點幾返到香港...香港d海關真係鬆到呢...完全望都唔望就行過左...再用埋e道...完全係直行直過
總括而言...今次玩得好開心呀~ 而且作為咁耐冇去旅行後既第一次近近地幾好~ 可以適應返去旅行既節奏...好~ 之後要去多d旅行先得~~ 哈哈
由於懶既關係...一次過post album Day4@Taipei2009由於之前果晚太夜訓...結果大家訓到好晏先肯起身...orz 好...今日既行程係去台灣市立動物園... 去動物園要搪一後木柵線既捷運...呢條應該係新線黎 只係得幾卡車廂既無人駕駛列車... 可能係去近郊區地方既關係...我幾鐘意呢程車沿途既感覺 去到左動物園...其實冇咩好寫...都係係咁睇都係咁影...哈 都係貼相吧啦 (最後由於都係懶既關係...相在day5既facebook link) 係有一樣野值得提下既係...千萬唔好信佢個建議行程... 因為係行唔哂既!!! 除非你完全唔影相... 所以最好都係預足1日去會好d... 本來諗住去搭下貓空纜車 但由好似唔知因為之前地震定天雨定d泥鬆左...所以個纜車都封埋 (不過其實可能對我黎講係好事黎...因為我畏高...哈) 睇旅遊書果度有好多茶居...下次再去時要去歇下先得...應該會好舒服 之後放晚去左五分埔行街...一個好似女人街但比女人街闊絡同有瓦遮頭既地方 食完見仲有時間...就去左頂好(即係惠康)度買野(食? 哈) 買左一堆零食就返酒店 Day3@Taipei2009今日係各自自由活動日 本來諗住去食下mosburger...但由於撞正lunch hour太多人 於是又去左食肉羹...但今次見到佢d小食幾吸引 於是叫左個皮蛋豆腐...跟住發現寶藏...個皮蛋豆腐超級好食!!! 好彩mosburger太多人...唔係都醒唔起要試皮蛋豆腐...哈 食完野就向台北市立美術館出發 去到圓山站...好彩都唔係太難行...行10分鐘左右就到 但由於有人事前做唔足功課... 去到先知7個館入面有4個館閉館換緊展品...orz 而且館後個公園又翻新緊...又冇得行...(即係擺明下次再去台北既話要去多次...) 行左3個館...其中有一個展覽係播一條清朝凌遲既片 望左兩望..太恐怖唔敢再睇落去...>_< 由於得返幾個館睇...睇完就去左飲咖啡 不過勁黑仔...坐坐下比蚊針左都唔知...仲要係額頭...灰爆 仲要唔知係唔係我太肥美...隻蚊針完仲係求嬲住我 本來坐得幾舒服架...但因為頂唔順隻蚊...唯有走人啦... 跟住返台北車站果邊行街原來又台北車站行去西門丁真係唔遠架喎 行到去書店街...本見到都有唔少書想買... 不過諗起個gip已經好full...諗住買少d啦買少d啦... 因為書得9折左右...無謂搬咁重啦 但正所謂姣婆守唔到寡...最後都係買左本pixel art既書 仲mark左一埋其他書諗住返到hk上網訂...哈.... 期間食左胡椒餅...真係10分鐘出一次...但次次都勁多人排隊 但又真係幾好食架喎~ 不過o岩o岩整好果陣太熱...我條貓脷食唔到 行下行下已經天黑lu... 本來諗住去排阿宗麵線...但由於晏晝食唔到mosburger搞到好想食 結果就買左mosburger返酒店食 返到酒店發現左個笑話...就係我沿路口喝買下買下原來買左好多野飲 但買左好多都冇開黎飲...返到酒店發現手上加袋入面有5樣野飲 結果飲到傻左...由於行街+打書釘企到好累 於是呢晚就冇出去逛lu 係酒店一路食野一路睇living and travel channel 睇左集program runway...駭然發現原來果個男judge就係Micheal Kors 係我公司個客黎...仲要佢個acc係我果team睇... 睇左咁多個season都唔知...真係有d搞笑... 仲有套叫take home chef都幾得意 fab5久唔久睇一次都變得好睇返 Day2@Taipei2009第2日去左國父紀念館同淡水 跟住去左淡水...未到之前沿捷運既風景其實都唔錯 跟住就就講下d重頭戲...就係食野 XD 夜晚就去左重頭戲中既重頭戲...一間叫馬辣既麻辣火鍋... Day1@Taipei2009話說原來我已經4年冇離開過香港...(真係完全唔覺) 由於太耐冇出國...而又係第一次自己一個搭飛機... 好...我承認...我應該係好緊張...所以之前果晚唔係好訓得著...哈...... 朝早起身唔知係唔係因為冇乜點訓既關係...個人冇乜反應...<--連緊張都冇埋 上到巴士斯斯然咁搵左個位坐...跟住出奇地...turnout架車竟然滿座... 之後先諗到...可能係因為學校假期未完...所以咁多人 去到機場去check-in完閒逛左一陣就入左閘...跟住去食左個Burger King既早餐 今次搭華航...去呢程係架細機...都真係咁"done"...而且d野食真係幾xxx...but算啦 短途機o者~ 一陣就到 去到台灣...朋友教我搭國光號去台北車台再行過去...係我去到售票處買完飛後...個姐姐仔話有接駁車直去到酒店跟住比左張野我...當想望下張野係咩黎時...已經有另一個姐姐仔好快手咁貼左個label係我件行李度...仲話有車叫我去上...係我都未搞清楚既情況下就比人推上左車(而家諗返其實都幾危險...)去到台北車站...諗住搵下佢架接駁車係邊上啦...突然有個哥哥仔走黎用廣東話問我去邊...我果刻打左個突...有d以為係呃人果d...點知原來佢就係接駁車既接待員...果刻真係有d搞笑...跟住仲要turnout架接駁車得我一個坐...變左私家車送左我去酒店...哈 係去市區既途中...沿路係咁見到公司d櫃...真係有d你的分身怎麼緊貼著我既感覺...=_=" 由於果日以為佢會落雨...所以就改左原本既行程... 去左相傳係第一間有珍珠奶茶既春水堂(我班同事一致咁話呢個名好淫=_=) 呢間野真係好靚(相後補)...一間三層高既茶居...木製既樓梯下有個魚池...淨係個環境已經好高分...跟住試左最原裝既珍珠奶茶...唔錯~ 幾O岩我...唔會太甜...仲食左一直都未試過既甜不辣...原來又幾好食架喎~ 跟住就去左何老師介紹既李製餅家度買左鳳梨酥同蛋黃酥...買左之後好後悔...因為2盒野好重...但買左唯有揹住佢地去行士林夜市... 跟住由於仲有d時間...所以大家去維格落單...結果一落...大家竟然落左四千幾台幣...我地真係勁...好彩有得送貨去酒店...(返去一pack野...個gip已經full左大半...orz) 去到士林...人真係多到呢...而且撞口撞面都係香港人...真係以為去左旺角咁 不過可能由於太多人同果2盒野真係好鬼死重既關係...所以食左唔係好多野... 食左豆腐花...肉包...糖封士多啤梨...etc 行完由於大家d鳳梨酥都比較重既關係就搭車返西門...逛左陣...心驚膽戰咁去左試傳聞左既苦瓜汁...加左楊桃...出奇地好飲喎...不過又係搞笑...我地講國語叫野飲...鋪頭個哥哥仔用廣東話同我地對答...又係啤左一聲... 跟住係隔離檔買左d肉羹就返左酒店喇
(期間發生左d小插曲...唔知係唔係我未訓醒個樣太衰...竟然係HK同TW兩度既海關都比人check袋...orz ) Mission Completed2009-04-09
趕完工...即時病左...仲病到要sick leave...囧 可能因為咁o岩公司又忙...放工又忙又捱夜啦... 個人一放鬆就病左... but聽老豆講原來係有醫學根據既... 話係因為之前谷左好多腎上腺素出黎 而家一放鬆個人就weak哂... 呢幾日一定要休息多d...要係飛之前病好先得!!! 不過發現自己太耐冇離開過香港...對於d去機場要搞d乜既野冇哂印象...囧 要帶d咩野又冇哂concept...完全唔知做乜咁....=_,= 搞到突然間好似小學生第一次去學校旅行咁...乜都唔識...orz 為左唔好比呢個情況再發生...以後要去多d旅行先得 (借口)
某人講得o岩...開心既野應該諗多d講多d...唔開心既野就let it go... 4月9日 Mission Completed趕完工...即時病左...仲病到要sick leave...囧 可能因為咁o岩公司又忙...放工又忙又捱夜啦... 個人一放鬆就病左... but聽老豆講原來係有醫學根據既... 話係因為之前谷左好多腎上腺素出黎 而家一放鬆個人就weak哂... 呢幾日一定要休息多d...要係飛之前病好先得!!! 不過發現自己太耐冇離開過香港...對於d去機場要搞d乜既野冇哂印象...囧 要帶d咩野又冇哂concept...完全唔知做乜咁....=_,= 搞到突然間好似小學生第一次去學校旅行咁...乜都唔識...orz 為左唔好比呢個情況再發生...以後要去多d旅行先得 (借口)
某人講得o岩...開心既野應該諗多d講多d...唔開心既野就let it go... 4月5日 瞑瞑之中...有時d野可能真係整定既...由於忙於趕稿... 所以刻意唔去諗d唔開心既野...一心努力咁做... 但係截稿日黎到既時候...傳黎左一個消息... 就係阿公pass away左... 去到醫院時...可能係我眼淺...? 可能係受環境感染? 又可能係其實近期既唔開心一直未有得到適當既發泄... 係阿媽同賓賓都係咁喊時...我都不能自控咁流起眼淚黎 雖然一路在有哂心理準備...但始終係果一刻果個環境 雖然我同我阿公關係都唔算係好親密果種 但總係會不自覺咁諗起同已故既人生前既點點滴滴 跟住眼淚就一滴一滴咁流...... 其實近黎見阿公佢身體越黎越差...經常出入醫院... 而家能夠rest in peace都未嘗唔係一件幸福既事黎 希望公公安息同埋同婆婆團聚後開開心心啦~
======================================== 朋友成日都覺得我係一個好冷血既人... 甚至唔信我係一個雙魚座既人... 但其實我自覺我個人既性格真係幾雙魚架...仲要係幾typical果隻 我亦係一個眼淺既人...只係我甚少會係人地面前咸o者... 不過硬係冇人信...真係唔知點解...orz 仲有人話如果我係雙魚...一定係鯊魚+魔鬼魚........ 3月15日 白色情人節早排先同人講開香港主要都係只會慶祝情人節而比較少人理白色情人節 但唔知係幾時既事...原來而家都有唔少人會理呢個白色情人節 事源因為都比唔少人問送禮物既事... 其實以我認識既日式情人節同白色情人節其實係情人節女方向男方送禮物去表示心意...而到左3月14男方就會向女方回禮 而西式就好似只係2月14既情人節(?)果日就係雙方都會有d特別d既表示 不過可能由於香港係一個cosmopolitan....港式既似乎係玩fusion...就係無論2月14定3月14...都係度互送禮物...(本人就覺得送禮物唔一定大時大節先送既...見到一樣野...諗起對方...都已經可以送比佢...) <題外話>不過有時真係覺得好多人都好得意...買一樣野同送樣野比人都好需要一個觀面堂煌(死...又錯字)既理由...點解唔可以係「我想」呢個原因呢?</題外話> 甚至聽到有d女友係「港女」類既...無論2月14定3月14...都係要男友送野比佢...真係有d滴汗 又有d另一個極端既case係因為冇送到野比對方...走黎問我會唔會唔係咁好...同可以點補獲... 其實我覺得二個人相處貴乎尊重坦誠信任了解同包容...如果因為d形式上既野搞到大家唔開心...又真係有乜謂呢?~
不過最好笑既都係...唔知點解咁多人會黎問我...明明呢2個節日同我都好似冇咩關係...orz
======================================== 不過講開記得就講埋... facebook最近(?)又流行玩tag....不過由於我都覺得幾煩所以從來唔會去tag人 不過被tag就一定在所難免... 不過又發現到d好有趣既野喎...比人tag我係鐘意食野...鐘意唱k...肥仔...懶...訓唔醒呢d好正常... 但原來都會有人覺得我係獨行俠又真係幾得意 雖然我d諗野既方式同正常人係有d唔同而又唔係d好social既人...不過自問都幾怕悶架喎...除左d自己一個做會方便d既野之外...其他野多數都會搵人陪架喎 所以比人覺得係獨行俠個感覺都幾得意...又有一個思考既空間...不過當然唔排除只係比人求其填位咁放左落去...哈..... |
|
|
